2.Hand

Med utgangspunkt i Fretex sitt generøse samarbeid viste eg tre arbeid som alle besto av fleire tallerkenar og med verdas matsituasjon som tema. 

Tableware stories
Tallerkenar, glasur, sepia-trykk

Arbeidet består av engelsk tableware med klassiske motiv frå bondeliv og borgerskap. Som ein ekstra dimensjon har eg latt det britiske folket få uttale seg om verdas matsituasjon. Utsegna er henta frå diverse engelske diskusjonsfora på internett.

Being Worlds Apart
Tallerkenar, gull

Tittelen på arbeidet er eit engelsk idiom som på norsk kan oversetjast med å være svært forskjellig. I Being Worlds Apart, som består av fleire tallerknar av ulike storleikar, er det teikna eit verdskart i gull. Tallerkenane i dette arbeidet fann eg i sorteringsprosessen hjå Fretex der dei var satt til side for eksport. Det er både norsk-produsert industriporselen og kinaprodusert gods. Istadenfor at dei fysisk er sendt ut i verda utgjer dei no ein del av ei gylden verd.

Plansje 1,2,3 og 4
Tallerkenar, sepiatrykk

Ris, mais, kveite og potet er dei råvarene det vert dyrka mest av og som brødfør flest folk i verda. Medan risprisane på verdsmarknaden har tredobla seg i løpet av det siste året, og folk i nokre land vert drepne i brødkø, markerer FN 2008 som potetas år. Det finst eit håp i at poteta ikkje er så var overfor klimaendringar og dårlege avlingar det kan føre med seg, og at den kan dyrkast i relativ skrinn jord.